Ánægðustu viðskiptavinirnir

Ég er viðskiptavinur Sparisjóðanna. Samkvæmt síðustu sjónvarpsauglýsingu sem ég sá var ég ánægðastur allra viðskiptavina, eða a.m.k. var sennilegast að ég væri ánægðastur bankaviðskiptavina. Ég efast um að nokkur sé ánægður með að borga háa vexti en þiggja lága. Bankaviðskipti eru ill nauðsyn í kapítalísku hagskipulagi. Þó þurfa þeir eflaust ekki að starfa nákvæmlega eins og þeir gera á Íslandi í dag, svigrúmið er nokkuð m.v. hagnaðartölurnar sem sífellt dynja á vaxtagreiðendum þessa lands.

En vextir eru ekki nóg. Til að blóðmjólka nú örugglega alla sem eru í svo aumri stöðu að þurfa að nýta sér bankaþjónustu eru ýmis þjónustugjöld. Færslugjöld, þóknanir, afgreiðslugjöld og svo framvegis og framvegis. Bankinn tekur alltaf sitt. Deila má um réttmætið og það allt, en það skal látið liggja á milli hluta að svo stöddu.

Heimabankar eru mjög vinsælir. Með þeim geta bankarnir velt kostnaði yfir á viðskiptavinina. Þú sérð sjálfur um að starfa sem bankamaður heima í tölvunni og í staðinn getur bankinn rekið húsvörðinn, eða borgað bónus eða verið ömurlegur eins og þeir kunna svo vel. Ég nota heimabankann stundum, af illri nauðsyn, eða svo tel ég sjálfum mér trú um. Hingað til hef ég notað “SMS varaleið” til að komast inn í kvikindið.

Áðan brá mér í brún.

SMS varaleið kostar nú skv. verðskrá. Hér er verðskráin. Hún er 8 blaðsíður. Ég er búinn að renna lauslega yfir þetta og finn ekki ennþá verðið á SMS Varaleið. Ég hef ákveðið að taka tíman á því hvað það tekur mig langan tíma að finna þetta. Einn, tveir og nú. Búinn. Tvær mínútur. Þetta er á blaðsíðu 6.

Nú velti ég því fyrir mér hver tilgangurinn er með því að birta ekki verðið á síðunni, heldur fela það í 8 bls. verðskrá. Mér segir svo hugur að það sé til þess að fólk verði þess ekki vart þegar hækkanir eiga sér stað, sem og að letja viðskiptavini í því að kynna sér verðið.

Haldið þið að matvöruverslanir kæmust upp með að hengja verðskrár á hillurnar hjá sér?

Ef ég er ánægðasti viðskiptavinurinn þá er óhamingja heimsins mikil.

Spud Webb og Drengur

Spud Webb var bakvörður hjá Atlanta Hawks þegar ég fylgdist með NBA boltanum. Hann var 170cm hár og vann troðslukeppnina 1986. Ég er 173cm en 23 kg þyngri en Spud Webb var þegar hann vann troðslukeppnina. Því spyr ég ykkur góðu lesendur; hvað get ég gert til að geta troðið? Og sérstaklega Hauk Þórðarson: Hvað fæ ég í staðinn?

Evrópusambandið

Þrátt fyrir að hafa undirritað yfirlýsingu þess efnis, á dögunum, að ég teldi að forsvarsmenn VG ættu að fara eftir stefnuskrá flokksins varðandi Evrópusambandsaðildar-málið allt saman þá er það ekki svo að ég sé eindreginn andstæðingur aðildar Íslands þó svo að ég sé kannski andstæðingur Evrópusambandsins sem fyrirbæris.

Nú er það svo að Evrópusambandið er “Hel-kapítalískt apparat”. Sambandið gengur beinlýnis (m.a.)  út á frjálst flæði fjármagns. Fyrir mér hefur það dökkar hliðar. Sér í lagi vegna þess að fjármagnið er valdatæki og það má nota til ofbeldis ef reglur um notkun þess eru ekki, hvort um sig, skýrar og stífar.

Þá komum við að nokkrum spurningum; Er ég betur settur með íslenska stjórnskipun en samevrópska? Er eitthvað sem bendir til þess að íslenskt skipulag standi frekar upp í fjármagnseigendum en það evrópska? Lærir íslenskt þjóðfélag á sínum mistökum líkt og hið evrópska gerir (hægt)?

Þetta eru spurningar sem ég treysti mér ekki til að svara að svo stöddu, en óttast að svörin verði ekki í ætt við þjóðernishyggju.

Íslensk spilling – ekki þar sem að er gáð

Ég þarf ekki að fara mörgum orðum um spillingu, almennt, á Íslandi í áranna rás. Síst af öllu þarfnast atubrðir síðustu ára frekari vitnanna við, slíkt hefur allt komið upp á yfirborðið fyrir lifandi löngu. Eða hvað? Inngreypt í íslenska þjóðarsál er hugmyndin um hina dyggðumprýddu bændastétt. Af fórnfýsi sinni lepja þeir dauðan úr skel á meðan almenningur dreypir á blóði þeirra, hlæjandi af fávisku og sjálfsumgleði.

Þetta kann allt að vera satt. Ég hætti mér ekki, að svo stöddu, út á þann jarðsprengjusáða akur sem er umræðuvettvangur um sjálfsmynd bænda. Hinsvegar hafa biblíumyndir þær sem dregnar hafa verið upp af bændastéttinni og hennar afrekum slegið ryki í augun á okkur að einu mikilvægu leiti. Það þurfti sjálft Evrópusambandið til að benda á að samansuða stjórnsýslunnar og Bændasamtakanna er það sem í hinum stóra heimi flokkast undir spillingu.

Framsóknaflokkurinn er víða. Líklega er fleiri framsóknarmenn að finna í Vinstrihreyfingunni Grænu Framboði en í sjálfum framsóknarflokknum. Enda hafa flestir frægustu nöldrarar íslandssögunnar verið bændur og þar af leiðandi mjög líklega framsóknarmenn líka – en nöldursins vegna ekki búið við lífvænleg skilyrði í hinum ógeðslega framsóknarflokki síðustu 20 ára. Bjarni Harðarson er framsóknarmaður í öllu sínu atgervi. Það er ekki alslæmt í sjálfu sér. Jón Bjarnason er það líka og margt ágætt um það að segja.

Þeir eru núna kjafturinn og klærnar fyrir íslenska bændastétt í umboði Vinstri Grænna, stjórnsýslunnar og Alþingis. Því hvað er ráðherra landbúnaðarmála annað en æðstiprestur bændasamtakanna?

Dear leader

Blairisminn gerður brottrækur

Nú hefur Samfylkingin ákveðið að gera upp við fortíðina. Þessi einkennilegi stjórnmálaflokkur sem varð hvorki fugl né fiskur átti að vera vettvangur sameiningar vinstrimanna. Varð það náttúrulega aldrei enda hæpið að sameina vinstrimenn í einhverju sem kalla mætti hægrisinnuð hugmyndafræði líkt og viðgekkst hjá stórum hluta forrystu flokksins a.m.k. síðustu ár. En nú á semsé að gera upp síðustu árin undir Ingibjörgu Sólrúnu.

Sem leiðtogi var Ingibjörg Sólrún farsæl í því sem hún ætlaði sér. En hún brást algjörlega þeim væntingum sem til hennar voru gerðar af vinstrafólki. Trúin að mótvægishlutverk félagshyggjunar við fjármælaöflin væri oftúlkun og samstarf væri farsælast – það varð hennar stóra mál og af því máli mun sagan dæma hana. Ingibjörg hefur það m.a. á samviskunni að lengja valdatíð Sjálfstæðisflokksins meira en nauðsyn krafði. Hún beitti sér m.a. fyrir því að Samfylkingin myndi ekki starfa með VG í síðustu sveitastjórnarkosningum og kom þar af leiðandi í veg fyrir nauðsynlega stefnubreytingu sveitarfélaga sem þurftu sannarlega á því að halda.

Ég fagna því að tími uppgjörsins er upp runninn. Vegna þess hversu vænt samfylkingarfólki þykir um hugtök kennd við ketti þá segi ég: vonandi verður enginn kattarþvottur þar á ferð!

Listi yfir öll aprílgöbbin í íslenskum og erlendum fjölmiðlum

Svekk!

Xindak 6950v

Mig langaði bara að deila með ykkur myndum af Xindak XA-6950V magnaraóskapnaðinum sem ég hef inni í stofu hjá mér. Ég er reyndar með tvo slíka sem ég nota til að bi-ampa hátalarana mína.

Balanceraður ef maður er fyrir þannig hluti

Þetta er hefðbundinn 100 watta sambyggður magnari.

Rubicon og fleira gott

Smíðin á þessu er til fyrirmyndar. Allar lóðningar, allir vírar, allir íhlutir eins og best verður á kosið á þessu verðbili (1000-2500$)

Ekki alveg dual mono, en næstum því

Kvikindið er rétt um 23kg og eins og allir vita þá er þyngra dót ALLTAF betra en aðeins minna þungt dót. Eða svona næstum því alltaf.

Transistorar > lampar (?)

Á dauða ykkar áttuð þið von…

…en ekki mínum!

Í fréttum er aðallega helst að ég hef verið lasinn í mettíma. Kvefpest og kverkaskítur hefur lagt mig af velli í sex daga. Stríð hafa verið háð í styttri tíma… eða a.m.k. í sex daga.

Hefðbundnar vefsíður fólks, blogg svokölluð, hafa aldeilis þurft að líða fyrir Facebook (ísl: Snjáldurskinna) og er það miður. Niðurnjörvuð athyglisgáfa mannkyns á 21. öldinni má ekki við frekari samdrætti forms upplýsingagjafar. Hið svokallaða PowerPoint-heilkenni ætlar með minnkun upplýsinga í hið óendanlega.

Ekki eru allir sem gera sér fullkomlega grein fyrir muninum á gögnum og upplýsingum en upplýsingar eru unnin gögn. Ég bíð eftir Snjáldurskinnuskýringarsíðum. Reyndar, líkt og þið hafið tekið eftir í fréttum síðustu misserin, þá eru vefmiðlarnir farnir að sækja æ meira efni á Snjáldurskinnu. Maður veltir því hreinlega fyrir sig hvort að leti blaðamanna sé ekki við hættumörk?

Fenguð þið sent bréf frá rannsóknarnefndinni?

Þróunaraðstoð eða perraprestur

 Íslendingar vel aflögufærir            
 Biskup Íslands segir mikilvægt að halda
 áfram þróunaraðstoð, ef það verði ekki 
 gert geti það haft alvarleg áhrif. Á   
 Kirkjuþingi sem hófst í morgun sagði   
 hann íslenska þjóð vel aflögufæra.     
 Mikilvægt væri að stuðla að nýjum      
 lífsstíl á Íslandi en ríkidæmi         
 þjóðarinnar hafi byggt á lánum og      
 skuldsetningu.     

Menn eru misvel aflögufærir. T.d. eru sumir að eyða peningunum sínum í vitleysu. Nú eins og t.d. biskup sem lætur ekki eftir ríkisapparatinu sem hann stjórnar að múta perrapresti með stórum fúlgum. Ég hef ekki vit á þróunaraðstoð, ef hún er þá það, en þykist vita að perrarnir geti séð um sig sjálfir.

 Íslendingar vel aflögufærir            
 Biskup Íslands segir mikilvægt að halda
 áfram þróunaraðstoð, ef það verði ekki 
 gert geti það haft alvarleg áhrif. Á   
 Kirkjuþingi sem hófst í morgun sagði   
 hann íslenska þjóð vel aflögufæra.     
 Mikilvægt væri að stuðla að nýjum      
 lífsstíl á Íslandi en ríkidæmi         
 þjóðarinnar hafi byggt á lánum og      
 skuldsetningu.